Winterausflug 2010 - Klausberg, Ahrntal
04.01.2010 - So iatz isches wiedr so weit, die Planung fürn Winterausflug sein endlich ogschlossen. Es geat am 16.01. wiedr ins schiane Ahrntol - Klausberg!
Viele von enk hobns gwelt 2 Tog mochen, obr hel isch aus vielen Gründen nit so guat gongen.
Miar hobn ins nor für 1 Tog entschieden, obr für dei wos no umbedingt draußen bleiben wellen kannten mit dor Bauernjugend am negsten Tog inerfohren. Sie werdn ca. 20 Leit no plotz hoben (je noch Unmeldung bu sui), kosten tat hel zuasätzlich 40 € Zimmer mit Übernochtung und Frühstück und 10 € fürn Bus inerwerts. Genauere Informationen kregs bun Magge (formar@dnet.it). Bitte a Ihm bescheid sogen, dass des mit die Zimmer draußen klopet. Oder es kennts enk a selber wos suachen zum Schlofen und nor mit dor Bauernjugend inerfohrn, wenn no plotz isch.
Dor Rest isch eigentlich mear odr wianiger gleich wia leschtes Johr. Miar tatn do mitn Bus Klausberg ausifohrn. Starten tian miar um holbe 8e in Naturns. Bitte pünktlich sein ! Afnobet werdn miar draußen wiedr a Pizza essen gian. Rückkehr werd so ca. gegen 5e sein, miar starten draußen gegen 3 wo nor eh olls zua tuat und fertig isch huam.
Unzumelden war bitte bis negsten Mantig (11.01.), dass miar nor genau wissen wegn Bus und Pizzeria. Wer sich unmeldet zohlt nor die 20 Euro, a wenn er nit kimp. Außer man isch kronk odr sog vorher no mit an triftign Grund o odr so wos. Nit das es isch wia es erste Johr wo sich nor por überleg hobn, ach eigentlich hobn miar kuane Lust und nor afuanmol lei mear 20 sein und miar hobn an 50er bus. Es Geld kennts nor im Bus zohln!
Unmelden: bitte uan von ins a mail schicken!
| zurück zur Liste | zum News-Archiv |
